வல்லினம் - கலை, இலக்கிய இதழ் | Vallinam

இதழ் 17 - மே 2010

இளங்கோவன் மொழிப்பெயர்ப்புக் கவிதைகள் ...7
உருது மூலம் : சாக்கி பரூக்கி | தமிழில் : இளங்கோவன்


	சிறப்புப்பகுதி: சர்ச்சை: இலக்கிய மோசடி (தன்னிலை விளக்கம் & எதிர்வினை) பத்தி: உலுசிலாங்கூர் இடைத்தேர்தல் கண்ணோட்டம்: எப்போதும்போல் மீண்டும் கடவுள் தோற்றுவிட்டார் சு. யுவராஜன் அவ‌தாரும் ஆத்தாவும்! ம‌. ந‌வீன் செறுத்துறுத்தி உண்ணிகிருஷ்ணன் கமலாதேவி அரவிந்தன் இயற்கை (2) - நதி எம். ரிஷான் ஷெரீப் அந்த போலிஸ்காரர்களும் இந்த போலிஸ்காரரும் தோழி எஞ்சி இருக்கும் காகித‌மும்... கொஞ்ச‌ம் பிரிய‌மும் வீ. அ. ம‌ணிமொழி கட்டுரை: முள் கிரீடச் சுவர்களும் மனம் பிறழ்ந்த மனிதர்களும் மா. சண்முகசிவா ஜன நாயகத்தை கேலிக்கூத்தாக்கும் டிவி சேனல்கள் நெடுவை தவத்திருமணி சிறுகதை: புலவர் வேந்தர்கோனின் வரலாற்றிலிருந்து பிரிக்க முடியாத மேலும் சில பக்கங்கள் - கதை 2 கோ. புண்ணியவான் மோதிக்கொள்ளும் காய்கள் ராம்ப்ரசாத் தயக்கம் மதன். எஸ் தொடர்: எனது நங்கூரங்கள் ...10 இளைய அப்துல்லாஹ் நடந்து வந்த பாதையில் ...5 க‌ம‌லாதேவி அர‌விந்த‌ன் கவிதை: இளங்கோவன் மொழிப்பெயர்ப்புக் கவிதைகள் ...7 ம. நவீன் செல்வராஜ் ஜெகதீசன் லதா இரா. சரவண தீர்த்தா ரேணுகா பதிவு: சிலாங்கூர் மாநில இளம் படைப்பாளர் விருது 2010

சிலந்தி

குளிக்குந்தொட்டியில்
கண்டதுமே நினைத்தேன்
என் விருந்தினனிடம்
கவிதையொன்று
மறைந்திருக்குமென்று

விளக்குத்தவமிருந்த பூச்சியைப் பிடித்து
விலகி நின்று
வேண்டுமா வேண்டுமா வென
ஆசை காட்டினேன்
அவனது சந்தேகக் கண்களில்
அதென்னவோ பசிவெறியில்லை
கால்களைத் தன்மேல் தூக்கிப் போட்டுக்கொண்டு
ஒன்றுந் தெரியாதவனாய்
உட்கார்ந்து கொண்டான்

பழந்தந்திரமொன்று ஞாபகம்வர
இடம்விட்டு முடிச்சிட்டு
இடம்விட்டு முடிச்சிட்டு
நூலேணி ஒன்றைத்
தொட்டிக்குள் இறக்கினேன்

என் கவிதையைத்
தன்னுள் புதைத்துக் கொண்டுச்
செத்ததுபோல் நடித்த அவனோ
திடீரென உயிர்வந்து குதித்து
நூலேணி ஏறி
காணாமற் போனான்

எங்கோ
ஓடிப் போனவனுக்குச்
சிறைத் தொட்டியில்
வாடும் என் சோகம்
எங்கே தெரியப் போகிறது
ஒரு பூச்சியும் என்வழி வரவில்லை
எந்த ஏணியும்
என் விழி உரசவில்லை

(சாக்கி பரூக்கி : பிறப்பு 1936, இந்தியா. பின்னர் பிரிட்டன்வாசி. இற்றுப்போன உவமைகளை எதிர்க்கும் தீவிரமான உருதுக் கவிஞர். சர்ச்சைக்குரிய விமர்சகர். ஆழமான கருத்துகளால் எதிரிகளை அடிக்கடி உற்பத்தி செய்து கொள்ளும் இவர் ஆங்கிலத்திலும் எழுதுகிறார்.)

உங்கள் கருத்து/எதிர்வினை மற்றும் படைப்புக்களை
editor@vallinam.com.my என்ற மின் அஞ்சல் முகவரிக்கு அனுப்பவும்