வல்லினம் - கலை, இலக்கிய இதழ் | Vallinam

இதழ் 17 - மே 2010

கவிதை
லதா


	சிறப்புப்பகுதி: சர்ச்சை: இலக்கிய மோசடி (தன்னிலை விளக்கம் & எதிர்வினை) பத்தி: உலுசிலாங்கூர் இடைத்தேர்தல் கண்ணோட்டம்: எப்போதும்போல் மீண்டும் கடவுள் தோற்றுவிட்டார் சு. யுவராஜன் அவ‌தாரும் ஆத்தாவும்! ம‌. ந‌வீன் செறுத்துறுத்தி உண்ணிகிருஷ்ணன் கமலாதேவி அரவிந்தன் இயற்கை (2) - நதி எம். ரிஷான் ஷெரீப் அந்த போலிஸ்காரர்களும் இந்த போலிஸ்காரரும் தோழி எஞ்சி இருக்கும் காகித‌மும்... கொஞ்ச‌ம் பிரிய‌மும் வீ. அ. ம‌ணிமொழி கட்டுரை: முள் கிரீடச் சுவர்களும் மனம் பிறழ்ந்த மனிதர்களும் மா. சண்முகசிவா ஜன நாயகத்தை கேலிக்கூத்தாக்கும் டிவி சேனல்கள் நெடுவை தவத்திருமணி சிறுகதை: புலவர் வேந்தர்கோனின் வரலாற்றிலிருந்து பிரிக்க முடியாத மேலும் சில பக்கங்கள் - கதை 2 கோ. புண்ணியவான் மோதிக்கொள்ளும் காய்கள் ராம்ப்ரசாத் தயக்கம் மதன். எஸ் தொடர்: எனது நங்கூரங்கள் ...10 இளைய அப்துல்லாஹ் நடந்து வந்த பாதையில் ...5 க‌ம‌லாதேவி அர‌விந்த‌ன் கவிதை: இளங்கோவன் மொழிப்பெயர்ப்புக் கவிதைகள் ...7 ம. நவீன் செல்வராஜ் ஜெகதீசன் லதா இரா. சரவண தீர்த்தா ரேணுகா பதிவு: சிலாங்கூர் மாநில இளம் படைப்பாளர் விருது 2010

ஒரேயொரு நாட்டின் ஒரேயொரு மக்களின்
ஓராண்டு நினைவுக் கொண்டாட்டம்

கவிதை கட்டுரை கதைகளோடு
மலர்கள் தயாராகின்றன
அமைச்சர்கள் நடிகைகளோடு
கூட்டம் ஏற்பாடாகிறது
பேச்சுகளை சூடாக்கி வருகிறோம்
ஒருநாளாவது சிறைக்குப் போய்வர வேண்டும்

ஆய்வரங்க மாநாடுகளும் உண்டு
பெண்கள், அறிவுசீவிகளுக்குத் தனி ஏற்பாடு

வலைப்பூக்களும் இணையப் பக்கங்களும்
பதிவு செய்தாகிவிட்டது
படங்களும் பேட்டிகளும் சேகரித்து வருகிறோம்
பார்வையிடச் சென்றவர்களின் ஒளிப்பதிவுகள்
பிரதிகள் எடுக்கப்படுகின்றன

ஏற்றப் பாடல்களும்
இசை வட்டுகளும் எக்கச்சக்கம்

வழிபாட்டு இடங்கள் எல்லாம்
விளம்பரம் கொடுக்கத் தொடங்கி விட்டன
சாதி மத பேதமின்றி சிறப்புப் பிரார்த்தனைகள்
சாமியார்களும் சாமியை நம்பாதவர்களும்
தனியாகக் கூட்டுகிறார்கள்

பேரணிகளுக்கும் உண்ணா போராட்டங்களுக்கும்
சொல்லி வைத்தாகி விட்டது
கணக்குப் பார்க்காமல் செலவு செய்கிறோம்
ஓரிரு வாரங்களுக்குள்
முள்வேலி பிய்ந்துவிடுமோ
என்றுதான் கொஞ்சம் பதற்றமாக இருக்கிறது.

உங்கள் கருத்து/எதிர்வினை மற்றும் படைப்புக்களை
editor@vallinam.com.my என்ற மின் அஞ்சல் முகவரிக்கு அனுப்பவும்