வல்லினம் - கலை, இலக்கிய இதழ் | Vallinam

இதழ் 17 - மே 2010

கவிதை
ரேணுகா


	சிறப்புப்பகுதி: சர்ச்சை: இலக்கிய மோசடி (தன்னிலை விளக்கம் & எதிர்வினை) பத்தி: உலுசிலாங்கூர் இடைத்தேர்தல் கண்ணோட்டம்: எப்போதும்போல் மீண்டும் கடவுள் தோற்றுவிட்டார் சு. யுவராஜன் அவ‌தாரும் ஆத்தாவும்! ம‌. ந‌வீன் செறுத்துறுத்தி உண்ணிகிருஷ்ணன் கமலாதேவி அரவிந்தன் இயற்கை (2) - நதி எம். ரிஷான் ஷெரீப் அந்த போலிஸ்காரர்களும் இந்த போலிஸ்காரரும் தோழி எஞ்சி இருக்கும் காகித‌மும்... கொஞ்ச‌ம் பிரிய‌மும் வீ. அ. ம‌ணிமொழி கட்டுரை: முள் கிரீடச் சுவர்களும் மனம் பிறழ்ந்த மனிதர்களும் மா. சண்முகசிவா ஜன நாயகத்தை கேலிக்கூத்தாக்கும் டிவி சேனல்கள் நெடுவை தவத்திருமணி சிறுகதை: புலவர் வேந்தர்கோனின் வரலாற்றிலிருந்து பிரிக்க முடியாத மேலும் சில பக்கங்கள் - கதை 2 கோ. புண்ணியவான் மோதிக்கொள்ளும் காய்கள் ராம்ப்ரசாத் தயக்கம் மதன். எஸ் தொடர்: எனது நங்கூரங்கள் ...10 இளைய அப்துல்லாஹ் நடந்து வந்த பாதையில் ...5 க‌ம‌லாதேவி அர‌விந்த‌ன் கவிதை: இளங்கோவன் மொழிப்பெயர்ப்புக் கவிதைகள் ...7 ம. நவீன் செல்வராஜ் ஜெகதீசன் லதா இரா. சரவண தீர்த்தா ரேணுகா பதிவு: சிலாங்கூர் மாநில இளம் படைப்பாளர் விருது 2010

என்னைப் புதைத்த இடம்

எப்படி இருக்கிறாய் என்கிறாய்
அடர்ந்த மௌனம் உன்னை இம்சிக்கிறது
மாறவேயில்லை நீ என்கிறாய்
பிறகு தொடர்கிறாய்
உனக்குப் பிறந்த குழந்தைப் பற்றி
சங்கீத வகுப்புக்குப் போவதுப் பற்றி
என்னைப் புதைத்த இடம் மறந்தது பற்றி
நான் சுயமிழக்குந்தருணம்
துண்டிக்கிறது நம்மை
குழந்தையின் சிணுக்கல்
கவ்விச் செறிக்கிறது
பேரிரைச்சலுடன் தனிமை.

விதையாய் விழுபவர்கள்

உங்களது, எனது இறப்பில்
சுற்றத்தைக் கண்ணீர் சிந்தச் செய்யலாம்
பாலூற்றி புதைக்கச் செய்யலாம்
அல்லது எரிக்க
ஆனால் புனிதராக முடியாது ஒருபோதும்
ஒரு அரசியல்வாதியின் உயிர்பிரிதல் அத்தகையதன்று
முள்கிரீடம் தேவையில்லை
சிலுவையும் கூட
அசரீரிக்கானக் காத்திருப்புக்கு அவசியமில்லை
ஒரு அரசியல்வாதியின் உயிர்பிரிதல் புனிதமானது
பரதேசிகள் படிக்கும் பள்ளிக்கூடத்திற்கு
மின்சார வசதியைக் கொடுக்கும்
சாலைகளைச் செப்பனிட்டுத்தரும்
கொட்டகைவாசியான உங்கள் கூரைகள் இனி ஒழுகாது
உங்கள் அடையாளம் சிவப்பிலிருந்து
நீலத்திற்கு மாறும்
அல்லது அடையாளமே இல்லாத உங்களுக்கு
சிவப்பு அடையாளத்திற்கேனும் உத்தரவாதம் தரும்
உங்கள் குதத்தில் புண்ணிருந்தாலோ
அல்லது மூலவியாதியால் அவதிப்பட்டாலோகூட
ஆசானவாயை விரித்து பொதுவில் தைரியமாகக் காட்டலாம்
மருந்திட நீளும் மாயக்கைகள் ஆயிரம்
கண்டு பிரமித்து போவீர்கள்
நக்கி விட்டாலும் ஆச்சரியப்படுவதற்கில்லை
ஒரு அரசியல்வாதியின் உயிர்பிரிதல் புனிதமானது
சிலர் வாழும்போது புனிதர்
சிலர் இறந்தப்பின்
ஒரு அரசியல்வாதி இரண்டாம் ரகத்தினன்
உங்கள் 50 வருட மன்றாட்டுகள்
5 நாட்களில் நிறைவேற்றப்படும்
புனிதர்களான அரசியல்வாதிகள் அதிசயங்கள் நிகழ்த்திட
புழுவினும் கீழான நீங்களும் நானும்
கூடியபட்சம் இரண்டு விசயங்கள் செய்து உதவலாம்
ஒன்று:
உயிர்பிரிதலுக்கான வேண்டுதல்களை செய்யலாம்
கோவில்களில், மசூதிகளில், தேவாலயங்களில்
ஏதாவதொரு தெய்வம் தூங்காதிருக்கக்கூடும்
இரண்டு:
நம்மில் ஒருவனைத் தேர்ந்து
'கோட்சே'வாக்கிவிடலாம்
துப்பாக்கிதான் என்றில்லை
முதலாவது சுலபமானது
நீங்கள் காத்திருக்கத்தயாராகயிருந்தால்
இரண்டாவது கொஞ்சம் கடினம்
ஆனால் உடனடி தெய்வம் கண்திறக்கும்.

உங்கள் கருத்து/எதிர்வினை மற்றும் படைப்புக்களை
editor@vallinam.com.my என்ற மின் அஞ்சல் முகவரிக்கு அனுப்பவும்