இதழ் 35
நவம்பர் 2011

சித்திரங்கள்

நெடும் முயற்சியில் இழுத்து வந்தான்
மேகங்களை
வேடர்களிடம் தப்பிய பறவைகளை
மிதக்கச் செய்து
பெயரிட்டான் வானமென...

பெரும் நிலப்பரப்பில்
கினறுதோண்டி நீர் இறைத்து
புல் வளர்த்து மரம் நட்டான்
சிறு குடிசை கட்டி வீடென்றான்

கடும் இருட்டை சேமித்து
வட்டமாக வெளிச்சம் காட்டி
நிலவை கட்டிப் போட்டான்

வேறொன்றை வரையத் துவங்கியவன்
விட்டுச் சென்றான்
சதா கிறுக்கிக்கிட்டேயிரு சனியனே
போய் எக்சாமுக்கு படியெனும் குரலுக்கு

வெறித்துக் கிடந்தது
முழுமையடையாதுபோன துவக்கம்...

வல்லினம் - கலை, இலக்கிய இதழ் | Vallinam - A Magazine For Arts And Literature
© vallinam.com.my | All Rights Reserved. 2011.  |  Designed by CVA | Best View in : Mozilla Firefox |  Best resolution : 1024 X 768